Հոգուդ բույրը

Ես քո հոգին տեսա,

Ցոլանքն ու լույսը նրա,

Որ անուրջի նման հեզ է

Ու այնքա՜ն լուսավոր:

Զգացի թովչանքը նրա,

Աչքերիդ լույսը տեսա…

Գիտե՞ս որքան եմ փնտրել.

Եթե իմանայիր, թե քանի՜-քանի՜

Գիշերներ եմ հոգիս արձակել

Քո Հոգուն գտնելու համար:

Բայց գտել եմ Քեզ

Ոչ թե երազում իմ,

Այլ  իրական կյանքում:

Եթե իմանայիր միայն,

Թե որքան է գերել ինձ

Բույրը Հոգուդ՝ արբեցնող,

Խենթացնող, լույսին ձգտող

Ու աչքերիցդ առկայծող:

Հոգուդ ջերմ ցոլքը

Սառցե սիրտս է հալեցրել,

Խենթ հոգիս քեզնով արել…

Ի՜նչ խենթ հոգի, որ չհիանա

Քո հայացքով, քո ժպիտով:

Ախր մեջս  էլ  հոգի չի մնա,

Կսավառնի ու աստղերից

Հյուսված ճամփեքով

Քեզ մոտ կսլանա…