Գուցե կգա մի օր

Խոստումներ, որ մնացին օդում կախված,
Նրբություն, որ քարացավ չօգտագործումից,

Չկայացած հանդիպումներ, որ ավելի հեռացրին

Մեր երազանքներից միասին կերտած…

Գուցե կգա մի օր,
Ու ես էլ քեզ պես

Կսովորեմ չսպասել,

Կթողնեմ անցյալում

Երազներս սին,

Ու անցնելով գետը,

Ձեռքով կանեմ քեզ…

Սպասված խոսքեր, որ այդպես էլ չասվեցին,

Սեր, որ մարեց անկեղծության պակասից…

Եվ վերջին հանդիպում, որ բաժանեց մեզ՝

Ջնջելով սիրո հուշերը միասին կերտած…

Գուցե կգա մի օր՝
Կսովորեմ մոռանալ,

Բայց նաև ներել,

Որ դու չկարողացար,

Ու կանցնեմ գետը՝

Մյուս ափին թողնելով

Ամենը ու նաև քեզ…