2012-07-29

Մի նկարի պատմություն

Լուսանկարը՝ Արմեն Մխեյանի
Պետո Պողոսյանի հրաշք նկարը


Երևանյան ամենաշոգ օրերից մեկն էր, բայց հեղձուցիչ տոթը չէր խանգարում իմ զբոսանքին: Անցորդներն արագ անցնում էին վայրկյան առաջ ստվերում հայտնվելու համար, իսկ ես շարունակում էի քայլել: Այնպիսի տպավորություն էր, ասես տարիներ շարունակ չէի եղել իմ քաղաքում ու հիմա արևի կիզիչ ճառագայթներն ի զորու չէին ետ պահել ինձ նորից զգալու Երևանի շունչը: Հանրապետության հրապարակից քայլեցի դեպի Հյուսիսային պողոտա: Երևանյան կոլորիտին մի քիչ օտար, բայց շատ երևանցիների համար արդեն հարազատ դարձած այս փողոցով օրական հազարավոր անցորդներ են անցնում, հատկապես երեկոյան ժամերին, այն էլ ուրբաթ օրով: Հին ծանոթներ, ընկերներ տեսնելը այստեղ այնքան հաճելի է, առավել ևս, երբ նրանց երկար ժամանակ չես տեսել: Սա Երևանն է, իմ քաղաքը ու ես Նրան շատ եմ սիրում:
Հանկարծ ուշադրությունս գրավեց մի երտասարդ, ով գրեթե փողոցի կենտրոնում էր նստած ու ձեռքին բռնել էր փայտե տախտակ, որին  ամրացված թղթին էր հանձնում հեռու և մոտ շենքրի գծերն ու շինությունները: Հասկացա, որ նկարն իսկապես գեղեցիկ է լինելու, անգամ եթե միայն մատիտով լինի նկարված: Մոտեցա, սակայն մտածեցի որ շատ մոտ կանգնելով գուցե խանգարեմ աշխատանքին ու հեռու գնացի մի փոքր:  Տեսնում էի ինչպես է մատիտը սահուն ու վարժ անցնում թղթի վրայով, սպիտակի վրա սևով գծում ու նկարում պատկերը, պատկեր որ կենդանի է, հոգի ունի… Հետաքրքրությունս առավել մեծացավ, երբ փոքրիկ ներկապնակին հայտնվեցին ջրաներկի գույները: Այնտեղ գույներ էին ծնվում ու հանձնվում թղթին: Նորից մոտեցա: Գծանկարը գույներով էր պատվում, ու ստացվում էր այն, ինչ մեկ բառով կարելի է հրաշք անվանել: Ֆոտոխցիկով ընդամենը մեկ ակնթարթ է պետք լուսանկար ստանալու համար, սակայն կենդանի նկար հնարավոր չէ: Լուսանկարը մեկ ակնթարթն է կանգնեցնում, իսկ նկարչի ձեռքով նկարվածը ամեն վրձնի հարվածի հետ հոգուց մի մասնիկ է փոկում ու գույների երանգի հետ միախառնվելով, մնում թղթի վրա: Նկարը շունչ ունի, բովանդակ հոգի ու կենդանի է այնքա՜ն: Հանեցի ֆոտոխցիկը, բայց միացնել այն անհնար էր: Էկրանին հայտնվում էր միայն «փոխել մարտկոցը» արտահայտությունը: Դիմեցի հեռախոսի օգնությանը: Մի քանի լուսանկար, թեպետ անշունչ, բայց պատկերված նկարի շունչը տարածող… Ահա այսպես:  

Հ.Գ. Շնորհակալություն Պետո Պողոսյանին հրաշք նկար ստեղծելու համար:

4 комментария:

Unknown комментирует...

Savage The Shard Of Gosen Free Download Pc Game Savage The Shard Of Gosen Free Download Full Pc Game is basically an action, adventure 2D game.
download fallout 3 highly compressed

Unknown комментирует...

Your source for fun, free mobile and PC download games. Thousands of free ... Download or play free online! ... Here is the Exact Arcade Version of Dig Dug!
fall guys highly compressed download for pc

Unknown комментирует...

Your source for fun, free mobile and PC download games. Thousands of free ... Download or play free online! ... Here is the Exact Arcade Version of Dig Dug!
prince of persia the two thrones highly compressed 10mb

Unknown комментирует...

Your source for fun, free mobile and PC download games. Thousands of free ... Download or play free online! ... Here is the Exact Arcade Version of Dig Dug!
fall guys highly compressed