Ես ստիպված կլինեմ նորից խախտել լռությունս ու կիսվել իմ մտքերով, տեսակետներով Սերժ Սարգսյանի մամլո ասուլիսի վերաբերյալ:
Նախ ամենաառաջինը. այն մամլո ասուլիս ես չեմ կարող անվանել, քանզի այնտեղ մեր լրատվական դաշտից «ընտրված» լրագրողներ էին ներկա: Եթե հանրապետության նախագահը մամլո ասուլիս է հրավիրում, ապա այն չի կարող լինել փակ, առանց օպերատորների ու լրատվական միջոցների: Սա վկայում է այն մասին, որ Ս.Սարգսյանը բառից բուն իմաստով թքած ունի լրատվամիջոցների անկախ ու անկողմնակալ աշխատանքի վրա և ամենացավալին՝ որ նրանց չի դիտում որպես 4-րդ իշխանություն: Հարգելի Սերժ Սարգսյան, մամլո ասուլիսների ձևաչափերը վերջին տարիներին կտրուկ փոխվել են, և ավելին, նման միջոցառումները պետք է ուղիղ եթեր հեռարձակվեն և ոչ թե 1 օր ուշացումով, մոնտաժելուց հետո ուղարկվեն հեռուստաընկերություններին: Մենք ապրում ենք անկախ Հայաստանում և ոչ թե ԽՍՀՄ-ում...
Երկրորդ. Դուք ամեն դեպքում չունեք նախագահի կեցվածք ու խոսելաձև: Անգամ մեկ օր մոնտաժվելուց հետո (ինչո՞ւ պետք է հավատամ, որ մոնտաժված չի, եթե միայն նախագահականի օպերատորն է նկարել, և միայն մեկ օր հետո է լրատվամիջոցներին ուղարկվել տեսանյութը) կիքսերն այնքան շատ են, որ յուրաքանչյուր բառին կարելի է այնպես հակադարձել, որ պատասխան չեք ունենա տալու: Ես չեմ ուզում՝ իմ նախագահը լինի կույր ու չտեսնի, թե ովքեր են այսօր ՀՀԿ-ի կազմում, իսկ դուք նրանց «փաստաթղթով օլիգարխ չեն» եք կոչում: Եթե չեք տեսնում, ուրեմն կույր եք: Ինձ հաշմանդամ նախագահ պետք չէ:
Երրորդ. Ձեր նյարդային շարժումներն ու դիմագծի արտահայտությունը արտահայտիչ կերպով ցույց են տալիս, որ ձեր նյարդերը էլ չեն դիմանում, և արդյունքում, եթե հնարավոր լինի, անգամ ոտքերն էլ կարող եք վեր բարձրացնել:
Չորրորդ. հետևեք ձեր յուրաքանչյուր խոսքին, բառին, որպեսզի դրանք չհնչեն այնքան զավեշատալի՝ «աթոռից չընկնեք», «սոված մարդ», «ինչպես կասեր տատս», հատկապես «ինչ անեմ» արտահայտությունը մի օգտագործեք: Ինձ պետք չէ նյարդային նախագահ:
Եվ վերջապես հինգերորդ. փորձեք ավելի հաճախ շփվել լրատվամիջոցների հետ, որպեսզի վախի կոմպլեքսը հաղթահարեք, նրանց տեսնելիս չնյարդայնանաք ու «ինչքան ուզեք, կխփենք» ու նմանատիպ այլ արտահայտությունները պատճառ չհանդիսանան Ձեզ ծաղրելու ու ատելությունը մեծացնելու համար:
Իմ կարծիքը հայտնում եմ որպես ՀՀ քաղաքացի, իր ներկա պահին նախագահի գահին բազմած ՀՀ քաղաքացի նախագահին:
Комментариев нет:
Отправить комментарий