Առանց քեզ

Ես քեզ հետ ճախրել էի ուզում,
Բայց ճախրանքից առաջ
Դու մենակ թողեցիր ինձ,
Ու թևերս քեզ հետ տարար...
Ես քեզ հետ էի ուզում կիսել
Երջանկության ու սիրո
Ակնթարթները կյանքիս,
Բայց դու հեռանալ կամեցար,
Եվ երջանկությունն իմ սրտի
Դու քեզ հետ հեռուներ տարար...
Ես քեզ սիրտս նվիրեցի,
Սերս քեզ միայն տվեցի
Ու միայն քեզ վստահեցի,
Բայց սիրտս քեզ հետ տարար
Ու ինձ հեռու վանեցիր...
Ես սխալվեցի, երբ քեզ
Սեր կոչեցի, ու ամենը
Քեզ տվեցի, իսկ դու ամենը
Քեզ հետ տարար..
Հիմա դատարկ է հոգիս.
Առանց քեզ գույներ չկան,
Չկա ջերմություն առանց քեզ,
Երջանկություն ու ժպիտ,
Առանց քեզ ոչինչ չկա,
Անգամ սրտի տրոփյուն...